Ко̄ххт о̄зэ рӣммьн ва̄ресьт савехь мӯр

23.08.2013

Промышленно-торговый холдинг "Сигма"
В основу производства положена уникальная российская технология фирмы "Систром", позволяющия изготавливать различные облицовочные, тротуарные изделия, элементы декора, камины и памятники.
Адрес и телефон

Рӣммьн о̄зэ ва̄ресьт савехь мӯр. Ё̄дӭ ва̄рь мӣлльтэ я ло̄гэ: »Касьт лӣ ва̄ресьт шӣһтлэс мӯрр савьхэ гуэйкэ?« Вуэйвэсь паянт паяс я аппс: ка̄ррнас – алка апснэнҍ. Пырр мӯр ва̄ннц
я са̄ррн: »Тала лӣ шӣг савехь мӯрр. Пырр ва̄рь воаннҍцэ мугка мӯр эмм коаввнма. Тэдта мӯрр лӣ самэ шӣг мӯрр, мунн со̄н чӯпа.« Ка̄рьнэсь – а̄ка пайенҍ куӆшкӯдӭ, штэ рӣммьн та̄һт тэнн
мӯр чӯһпэ. Ка̄рьнэсь – а̄ка са̄ррн соннӭ: »Рӣммьн, ель чӯп тэнн мӯр, мунэстҍ алка ле̄в.
«Рӣммьн гыс са̄ррн соннӭ: »Анҍт мыннӭ эфт алка, танна мӯр эмм чӯп.« Ка̄рьнэсь – а̄ка сӯһпей пайенҍ вэлас эфт алка. Рӣммьн воальтэ тэнн я по̄рэ. Е̄ннэ лӣ ва̄нас а̄ййкэ мэ̄нэ, рӣммьн аввта по̄ҏсувэшкӯдӭ, пӯдӭ тэнн шэ мӯрре, пырс ёдтал я са̄ррн: »Пугк весь ва̄рь пырс кэрре, никасьт мугка мӯр эмм коаввнма.
Адтҍ тэнн мӯр чӯпа. «Ка̄рьнэсь – а̄ка эйй кӣҏҏшэнч я са̄ррн: »Рӣммьн, ель чӯп тэнн мӯр. Ка̄ррнас парнайт ма̄ййкак.« Ка̄рьнэсь е̄ннҍ вуэллькэдҍ вэлас вя̄л эфт алка. Рӣммьн тэнн гыс по̄рэ я ёадтэй ӣжясь тӯе мӣлльтэ. Ё̄дӭ, ёдӭ, по̄ҏсувэшкӯдӭ я аввта мушштэй ̄ тэнн мӯр баяс. Пӯдӭ со̄нн тэнн шэ мӯрре, вылшхалл паяс я са̄ррн: »Адтҍ чӯпа тэнн мӯр, пэря эмм коаввнма никасьт. «Ка̄рьнэсь – а̄ка са̄ррн: »Рӣммьн, ель чӯп тэнн мӯр. Мунн вя̄л эфт алка анта.« Ка̄рьнэсь – а̄ка вуэллькэдҍ вя̄л эфт алка вэлас. Рӣммьн по̄рэ я уйтэ. Ка̄рьнэсь кырьтэсьт. Ка̄рьнэсь ря̄гк:
»Кроӈьк, кроӈьк, кроӈьк. Ке̄ лӣ пуэдтлэнч?«Рӣммьн пуэдтэльт, мунэсьт ко̄ллм алка по̄рэ. Коале мунн эмм леһче аннтэнч алкатҍ, со̄нн ля̄һч пэ тэнн мӯр те̄ҏҏпэ. Ка̄рьнэсь са̄ррн агкнесь: »Манҍтэ ля̄к то̄нн то̄ӆӆкхэм, а̄ка. Рӣмьнэсьт элля ни оакшэ, ни ныййп. Со̄нн эйй вуэй е̄дтэ
тэнн мӯр. »Ка̄рьнэсь кыррьтэль, э а̄ка кӯдтэй мӯр альн оаррэ. Рӣммьн пӯдӭ, вуагэсьт, есскэль я паяс вылшхалл. Тамьпэ кӯһт ка̄ррнас – алка кӯдтъенҍ. Адтҍ мунн тэнн мӯр чӯпа. Ва̄рь мӣлльтэ кэ̄рре, кэ̄рре, никасьт эмм коаввнмэнч мугка шувв мӯр.
А Ка̄рьнэсь – а̄ка са̄ррн: »Рӣммьн, то̄нн эгк вуэй чӯһпэ тэнн мӯр, то̄нэсьт элля ни оакшэ, ни ныййп.« Рӣммьн юррьтэль, юррьтэль я вуэмэшьт, штэ ке̄-ля̄ннч ля̄йй пуэдтлэнч я ма̄тҍхэнч ка̄ррнас агка, штэ со̄нэсьтҍ элля ни оакшэ, ни ныййп. Юррьтэль, юррьтэль, то̄ӆӆькъенч ля̄йй, штэ ка̄рьнэсь ля̄йй пуэдтлэнч я ка̄ррнас – агка ма̄тҍхэнч. Рӣммьн судтэ ка̄ррнас э̄л я са̄ррн: »Адтҍ мунн со̄н по̄ра. «Вуагэсьт, вуагэсьт я ламьп ря̄ввна кэ̄рркэдҍ, гудэль ка̄ллма.
Се̄йп пруткшэдтӭ я кыбршувэ я ле̄жант. Ка̄рьнэсь кырьтэ, кырьтэ, кроӈькэсьт: »Кроӈьк, кроӈьк.« Уйнэсьт: рӣммьн лӣ ка̄ллмэнч ла̄мьп ре̄вьнэсьт. Юррт: »Адтҍ мунн по̄ра со̄н. «Рӣммьн ля̄шш, ня̄лльм лӣ а̄ввнэнч, ню̄ххчемь ыдтъя, чильмэтҍ лӣ оамьпхэ, гудэль ёаммэнч лӣ. Ка̄рьнэсь кырьтэ, кроӈькэсьт: »Кроӈьк, кроӈьк.« Ся̄йвэ, рӣмьн гоаррэ ва̄ннц, юррт: »Адтҍ ню̄ххчемь со̄нэсьт по̄ра!« Э̄ллтэнҍт, лышэ ню̄ххчемь тувэ нуэһкэ, рӣммьн кадцесьт со̄н ча̄пхэсьт.
Те̄ннҍтэльт со̄н я са̄ррн: »Мунн то̄н по̄ра. «Ка̄рьнэсь ря̄гк: »Рӣммьн, ель по̄р мун, ель поадэһтҍ
понцэтҍ.« Ка̄рьнэсь вульн юррт: »Алка пе̄знэ!« Рӣммьн, ель по̄р мун тэста. Юрьтэшкуэдэтҍ, штэ рӣммьн лӣ по̄ррэнч ка̄ррнас тэста. Мунн ӣджь ёадтъя роадтэ, э то̄нн гыс мӣлльтэ ка̄ль.
Рӣммьн юррт, зоабэль, мэ̄нн мунн алка со̄н ке̄ссе? Ло̄сса лӣ ке̄ссе. Луэшта со̄н, со̄нн ӣджь манн тоагэ, мунн тамьпэ е по̄ра со̄н. Ня̄льмэдэсь а̄ввьдэсьтэ, ка̄рьнэсь нюччкэй я кыррьтэль. Кыррт, кроӈькаст: »Кроӈьк, кроӈьк. «Рӣммьн кя̄һч, ка̄рьнэсь вӯййлэдтӭ со̄н. Ныдтҍ рӣммьн эйй вуайя ка̄ррнас по̄ррэ, ка̄рьнэсь со̄н шӣгктэнне вӯййлэдтӭ.
Моайнас пугк.

Яковлев Мыдтҍре Ла̄зэр

Ярлыки: Сказки на саамском языке

Самые интересные записи

Железняк предложил перенести серверы с данными россиян в Россию
20.06.2013

Депутат от "Единой России" Сергей Железняк предложил перенести под юрисдикцию России все серверы, на которых хранятся персональные данные россиян. В комментарии "Ленте.ру" он отметил, что,...

пн	вт	ср	чт	пт	сб	вс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Ко̄ххт о̄зэ рӣммьн ва̄ресьт савехь мӯр

Самые интересные записи

РЎР°РјС‹Рµ РёРЅС‚РµСЂРµСЃРЅС‹Рµ Р·Р°РїРёСЃРё